OOS-KAAP. – ‘n Vrou het vandag in die hof verskyn na sy Sondag in hegtenis geneem is nadat sy polisielede in Mbulelestraat in Soweto on Sea gestop het en hulle meegedeel het dat sy glo haar kêrel (56) met ‘n gebreekte bottel in die been gesteek en hy daarna gesterf het.
Kapt. Sandra Janse van Rensburg sê die vrou het die lede van Kwazakele-polisie wat met patrollies besig was omstreeks 02:00 gestop en hule ingelig dat sy vir Phulelele Sola noodlottig gewond het.
Die oorledene is in die kamer op die bed met ‘n steekwond aan sy linkerbobeen aangetref.
Die vrou is in hegtenis geneem en sal vandag in die New Brighton-landdroshof verskyn.
