KWAZULU-NATAL. – ‘n Vrou (26) is in ‘n kritieke toestand nadat sy tydens ’n beweerde huisroof in Cragieburn geskiet is. Sy het drie skietwonde opgedoen, twee aan haar kop en een aan haar buik.
Kelsey-Jae Meyrick sê paramedici van IPSS Medical Rescue is na die toneel ontbied waar hulle die vrou ernstig beseer aangetref het. Volgens inligting het die verdagte glo toegang tot die woning verkry deur hom as ’n afleweringsbestuurder voor te doen. Die vrou is tydens die voorval verskeie kere geskiet en op die toneel gestabiliseer voordat sy onder die sorg van ’n gevorderde lewensondersteuningsparamedikus na ’n nabygeleë hospitaal vervoer is.
Die omstandighede van die voorval word ondersoek.
