Lees ook: Vermiste ma van 4 se liggaam in slang van 5 m gevind
THAILAND. – ‘n Vrou (64) het oorleef na ‘n luislang van byna vier meter haar in haar huis verras het.
Arom Arunroj was besig om skottelgoed te was toe sy na wat berig word iets aan haar been voel byt het. Toe sy afkyk, het sy besef dit was ‘n luislang. Ten spyte van haar pogings om die reptiel af te weer, het dit om haar lyf gedraai en haar weer gebyt.
Na ongeveer twee uur het haar bure haar uiteindelik om hulp hoor roep en kon hulle na ‘n gespartel 30 minute later die luislang van haar af kry. Die slang het weggeseil en die vrou is na ‘n hospitaal geneem vir hulp.
Bronne: The Independent, The Mirror, ABC News
Lees ook: Vermiste ma van 4 se liggaam in slang van 5 m gevind
