Lees ook: Ses dood in Durban-storms
DURBAN. – ‘n Vrou is dood na ‘n beweerde Islamofobiese aanval die naweek by haar huis in Glenmore, Durban.
Beide die Suid-Afrikaanse Joodse Raad van Afgevaardigdes (SAJBD) en die Moslem-gemeenskap het die moord op die vrou en die aanval op haar familie veroordeel.
Die SAJBD het gevra vir kalmte in alle gemeenskappe sodat die ondersoek en regsprosesse kan aangaan.
‘n Man het die vrou en haar gesin met ‘n mes aangeval en verskeie kere gesteek. Haar man en seun is in ‘n kritieke toestand terwyl sy op die toneel dood verklaar is. Die verdagte sal binnekort in ‘n hof verskyn.
Die polisie het gesê die man het glo gedreig om die slagoffer se dogter (10) te verkrag. Volgens die polisiewoordvoerder het die man hulle glo aangeval omdat hulle Palestina ondersteun.
Volgens die Suid-Afrikaanse Moslem-netwerk veroordeel die organisasie die aanval op die familie, maar vra ook vir kalmte.
Bronne: IOL, The Citizen, The Mail & Guardian
Lees ook: Ses dood in Durban-storms
