KWAZULU-NATAL. – ‘n Vrou, vermoedelik in haar 60’s, is glo Woensdagaand omstreeks 06:15 beroof en daarna van die Athlone-brug in die Umgenirivier, noord van Durban, gestamp.
Garrith Jamieson van ALS Paramedics sê hulle is ontbied om ‘n vrou wat amper verdrink het, te help. Met aankoms op die toneel was die metropolisie se soek-en-reddingseenheid teenwoordig. Die vrou het op die brug geloop toe sy glo beroof en daarna van die brug gestamp is. Sy is deur die metropolisie-eenheid gered en na veiligheid geneem. Sy is eers op die toneel behandel voordat sy na ‘n nabygeleë hospitaal geneem is.
“Metropolisie en die SAPD sal dié voorval ondersoek.”
