KWAZULU-NATAL. – Twee vroue, onderskeidelik 60 en 33 jaar oud, en ‘n 6-jarige meisie is dood nadat daar in Mbulwane-area op hulle geskiet is. ‘n Meisie (12) is tydens die voorval gewond.
Kol. Robert Netshiunda sê die insident het op 3 Oktober gebeur en die Ematimatolo-polisie ondersoek drie moorde en ‘n poging tot moord. Die twee vroue en die jong meisie is op die toneel dood verklaar, terwyl die ouer meisie na ‘n nabygeleë hospitaal vervoer is.
Die motief vir die skietinsident is steeds onbekend, maar die polisie soek na die verdagtes.
