VSA. – Die VSA het in ’n memo bekendgemaak dit gaan militêre hulp en samewerking met die Suid-Afrikaanse weermag sny en gaan die Suid-Afrikaanse militêre attaché uit die land skors.
Lees ook: Leo Brent Bozell III is amptelik aangestel as Amerikaanse ambassadeur in SA
Die memo wat op 13 Maart van die VSA se staatsdepartement na die finansiële hoof van Amerika se verdedigingsveiligheidsagentskap gestuur is, sê ’n uitvoerende bevel van Donald Trump beveel dat alle hulp aan Suid-Afrika opgeskort word.
In die bevel word ook gesê enige Suid-Afrikaanse weermagpersoneel wat in die VSA is vir opleiding sal sodra moontlik na Suid-Afrika teruggestuur word.
Suid-Afrika se militêre attaché, brig.genl. Richard Maponyane, is glo ook gesê hulle is nie meer welkom in die VSA nie en hy en sy assistente moet die land verlaat.
’n Dreigement is ook uitgereik oor geteikende sanksies teen spesifieke mense in Suid-Afrika.
Bronne: BusinessTech, IOL, TimesLIVE
Lees ook: Leo Brent Bozell III is amptelik aangestel as Amerikaanse ambassadeur in SA
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected].
