INTERNASIONAAL. – Donald Trump het gesê die Amerikaanse weermag het gister ‘n boot wat glo dwelms van Venezuela af vervoer het in internasionale water vernietig. Drie mense is in die aanval oorlede.
Lees ook: VN bevind Israel het volksmoord in Gasa gepleeg
Trump het gesê die boot was op pad na die VSA en dat die drie mans van “gewelddadige dwelmhandelgroepe is”. Hy het geen bewyse gelewer dat daar dwelms op die boot was nie.
Die president van Venezuela, Nicolas Maduro, het die Trump-administrasie beskuldig daarvan dat hulle dwelmhandel gebruik as ‘n verskoning vir ‘n militêre operasie met die doel om “die land te intimideer en ‘n verandering in die regime te weeg te bring”.
Hy het woedend gereageer oor wat hy ‘n “naweekoperasie” genoem het waarin 18 VSA-seesoldate ‘n visvangboot van Venezuela in die Karibiese See aangeval het. “Wat het hulle gesoek? Tuna? Wat het hulle gesoek? Snapper? Wie het die bevel in Washington gegee om 18 mariniers te stuur om ‘n vissersboot aan te val? Hulle was op soek na ‘n militêre voorval. As die tunavissermanne enige wapens gehad het en wapens in Venezuela se jurisdiksie gebruik het, sou dit die militêre voorval gewees het wat die oorlogmakers en ekstremiste wat ‘n oorlog in die Karibiese See wil hê, gesoek het”, het hy gesê.
Bronne: BBC, Euronews, ABC News
