KWAZULU-NATAL. – ‘n Man, vermoedelik in sy 30’s, is Maandagmiddag net voor 16:00 in ’n vurkhyser-nywerheidsongeluk in Piet Retiefweg in die Queensburgh-gebied van Malvern, wes van Durban, dood.
Garrith Jamieson, van ALS Paramedics, sê die vurkhyser het tydens werksure omgeslaan en die bestuurder vergruis. Paramedici het die slagoffer ondersoek, maar hy het noodlottige beserings opgedoen en is op die toneel dood verklaar.
Die oorsake van die voorval is nog onbekend en word deur die polisie ondersoek.
