KWAZULU-NATAL. – Twee persone, insluitend ’n polisiebeampte, is Maandag by die Mariannhill-tolplaza voorgekeer toe wetstoepassers ’n voertuig met vuurwapens en sowat 800 rondtes ammunisie onderskep het. ‘n Polisiebeampte en vuurwapenhandelaar is glo in die voorval betrokke.
Luidens ’n verklaring deur Sinoniso Duma, die LUR vir vervoer en menslike nedersettings, is die voertuig deur die padverkeersinspektoraat saam met die Durbanse metropolisie en die polisie deursoek. Die insittendes kon nie geldige dokumentasie ingevolge die vuurwapenbeheerwet toon nie. Die voertuig is ook gekonfiskeer omdat dit onwettig met veiligheidsligte toegerus was, wat ’n oortreding van die nasionale padverkeerswet is.
Nog drie verdagtes wat hulle glo as polisiebeamptes voorgedoen en met vervalste aanstellingsertifikate betrap is, is in hegtenis geneem.
