KALIFORNIЁ, VSA. – Vyf mense, insluitend ‘n kind, is beseer nadat ‘n helikopter Saterdag beheer verloor en neergestort het voor ‘n Cars and Copters-skou in Kalifornië, VSA.
Lees ook: Bekende aktrise Diane Keaton (79) oorlede
Die helikopter het in palmbome op Huntington-strand vasgevlieg en het beheer verloor, voordat dit neergestort het.
Twee insittendes van die helikopter en drie verbygangers is beseer.
Die ongeluk het by ‘n “eksklusiewe helikopter-landingspartytjie” plaasgevind waar die helikopter sou optree.
Die federale lugvaartadministrasie en die nasionale vervoerveiligheidsraad is besig om die ongeluk te ondersoek.
Die vliegtuig het aan Nixon Helicopters behoort en is deur die eienaar Eric Nixon, gevlieg.
Bronne: Metro, Daily Mail, Road & Track
