MPUMALANGA. – Vyf mans is dood toe die vragmotor waarin hulle gereis het gisteraand op die R33-pad tussen Carolina en Warburton gerol het.
Volgens Moeti Mmusi van die departement van gemeenskapveiligheid en sekuriteit in die provinsie het die bestuurder vermoedelik beheer verloor en die vragmotor met hout het gerol.
Vier manlike passasiers het gesterf. Die bestuurder van die vragmotor is saam met nog drie beseerdes vir mediese behandeling na Carolina- provinsiale hospitaal geneem. Nog een persoon het in die hospitaal gesterf.
Die pad was gesluit terwyl owerhede hulle werk gedoen het.
Vusi Shongwe, die LUR van die departement van gemeenskapsveiligheid en sekuriteit, het medelye met families van die oorledenes uitgespreek. Die beseerdes is spoedige beterskap toegewens.
