Lees ook: Valke vra hulp om man op te spoor wat kan help met ondersoek
’n Taakspan het vyf verdagtes, insluitend ’n vermeende huurmoordenaar, in hegtenis geneem vir hulle beweerde betrokkenheid by die moord op Gcinithemba Ndilja (50) wat verlede week in Lusikisiki doodgeskiet is.
Twee vuurwapens is tydens die inhegtenisneming gekonfiskeer.
Ndilja se liggaam is verlede Dinsdag met skietwonde gevind, wat gelei het tot ‘n ondersoek deur ‘n spesiale taakspan. Die eerste verdagte is Donderdag in hegtenis geneem, waarna hy die polisie na sy huis gelei het waar die wapens ontdek is. Ndjila se selfoon is ook by sy huis gevind.
Daarna is die vier ander verdagtes in hegtenis geneem. Al vyf verdagtes sal môre in die hof verskyn op aanklagtes van moord.
Bronne: SAPD
Lees ook: Valke vra hulp om man op te spoor wat kan help met ondersoek
