MPUMALANGA. – ‘n Baan op die R38 tussen Barberton en Badplaas, vanaf Jambila in die rigting van Badplaas, is weens ‘n rotsstoring gesluit.
Volgens Moeti Mmusi, woordvoerder vir die provinsiale departement van gemeenskapsveiligheid, sekuriteit en skakeling, word verkeer beheer, maar motoriste word versoek om snelheid te verminder en versigtig te bestuur. Padgebruikers wat alternatiewe roetes kan gebruik, word aangeraai om dit te doen om verkeersopeenhopings te vermy.
Mmusi sê die situasie word gemonitor en motoriste moet die nodige voorsorg tref.
