ITHUBA, die operateur van die National Lottery, het aangekondig die wenner van die R124 602 697.30 Powerball-boerpot het Maandag haar geld opgeëis.
Lees ook: Powerball uitslae vir 5 Augustus 2025
Die wenner, wat met die Absa-toep Lotto gespeel het, het gesê sy het oproepe van ’n onbekende nommer gesien, maar gedink dit is iemand wat iets wou verkoop. Volgens die wenner het sy eers die oproepe ignoreer en toe sy Vrydag antwoord, was dit haar bank wat gesê het sy moet by die naaste ITHUBA-kantoor aanmeld, want sy het geld gewen. Sy het eers by ITHUBA uitgevind hoeveel sy gewen het.
Die wenner het gesê haar man is al ’n paar jaar werkloos en dat hulle van die hand in die tand gelewe het. Sy beplan om haar ouers se huis te herbou vir hulle familiehuis en om ’n motor te koop.
Bronne: National Lottery
Lees ook: Powerball uitslae vir 5 Augustus 2025
