Die Suid-Afrikaanse Weerdiens het ’n waarskuwing uitgereik oor verskeie kouefronte wat vanaf Vrydag tot Sondag ’n impak op die Wes-Kaap gaan het. Een kouefront sal Vrydag in die Wes-Kaap begin en sal swaar reën, sterk winde en moontlike oorstromings bring.
Lees ook: Swaar reën en sneeu vir vandag voorspel
Die Wes-Kaapse mobiliteitsminister, Isaac Sileku, het inwoners van die Wes-Kaap gewaarsku om versigtig te wees op die paaie en om verantwoordelik te bestuur.
Veiligheidswenke vir motoriste sluit in om reis tydens hewige reën te vermy, om ‘n groter volgafstand tussen voertuie te handhaaf en om seker te maak die voertuig se hoofligte is aan. Die voertuig se ligte, remme, bande en ruitveërs moet op peil wees. Motoriste moet versigtig wees wanneer hulle oor laagwaterbrûe of paaie wat oorstroom het, ry.
Inwoners word gemaan om die weer dop te hou vir enige waarskuwings.
Bronne: SA Regering
