NOORDWES. – Minister Willie Aucamp, minister van landbou, het die aanval op die beesboer Donovan Marx (50), wat Woensdag 28 Oktober op sy plaas tussen Potchefstroom en Ventersdorp aangeval is, ten sterkste veroordeel.
Volgens Aucamp is Marx gesteek, gemartel en geskiet, waartydens albei sy ore afgesny is. Die minister het gesê boere en plaaswerkers is noodsaaklik vir Suid-Afrika se voedselsekerheid en dat die bedreiging van hul veiligheid ook die land se voedselvoorsiening in gevaar stel.
Aucamp het ’n beroep gedoen op sterker landelike polisiëring, met toegewyde intelligensie, gespesialiseerde ondersoekspanne, beter samewerking met landelike gemeenskappe en ’n groter polisie-teenwoordigheid in afgeleë gebiede. Hy het ook sy gebede en sterkte aan Marx, sy gesin en die landbougemeenskap oorgedra.
Druk hier om meer te lees.
