LIMPOPO. – Een van die drieling wat vroeër die week in die Letaba-hospitaal gebore is, het Vrydag weens ernstige asemhalingsprobleme in die neonatale intensiewe sorgeenheid gesterf.
Percy Moagi, woordvoerder vir Dieketseng Mashego, die LUR vir gesondheid in Limpopo, sê sy het haar hartseer oor die afsterwe van die babaseun uitgespreek. Hy is op ’n ventilator geplaas om sy toestand te stabiliseer, maar het ondanks die pogings van mediese personeel nie oorleef nie. Die departement het bevestig dat ondersteuning aan die familie gebied sal word terwyl hulle met hul verlies worstel.
Mashego het haar innige meegevoel met die familie uitgespreek en gesê die verlies van ’n kind is uiters pynlik. Sy het ook die gesondheidswerkers by die hospitaal bedank vir hul toewyding en pogings om die baba se lewe te red.
