GAUTENG. – Altesaam 14 verdagtes, wat ‘n voormalige Nedbank-werknemer insluit, is Dinsdagoggend op aanklagte van bedrog en geldwassery in Pretoria, Johannesburg en Krugersdorp deur die Valke gearresteer.
Kol. Katlego Mogale, woordvoerder vir die Valke, sê volgens rapportering het die hoofverdagte onwettige betalings van afwagrekeninge (suspense accounts) van meer as R157 m. gemaak. Die geld is oorgeplaas na ontvangers wat nie daarop geregtig is nie.
Die verdagtes sal vandag vir die eerste keer in die Palm Ridge- gespesialiseerde kommersiële misdaadhof verskyn.
