WES-KAAP. – Mlungisi Stwayi (18) het op Saterdag 20 April kopbeserings tydens ‘n aanval opgedoen en die volgende dag gesterf. Twee verdagtes verskyn vandag op aanklag van moord in die Oudtshoorn-landdroshof.
Sers. Christoper Spies sê ‘n ondersoek het bevind Stwayi is naby Black Joint in Bongolethu aangeval. Hy het omstreeks 21:00 met ernstige kopwonde by die huis aangekom. Hy is na ‘n hospitaal geneem waar hy omstreeks 05:30 die volgende oggend gesterf het en die polisie ontbied is.
Verdagtes van Bongolethu, 17 en 18 jaar oud, is in hegtenis geneem.
Die ondersoek duur voort.
Kry jou nuutste nuus elke oggend per e-pos. Teken hier aan:
