OOS-KAAP. – ‘n Jong man (18) is Donderdag met ‘n AK47-aanvalsgeweer en ammunisie in die Magutywa-woonbuurt, Tsolo A/A, deur die Joe Gqabi taktiese reaksie-eenheid vasgetrek.
Kapt. Welile Matyolo sê polisielede was met misdaadvoorkomingsdienste besig toe die jong man gearresteer is. Voorlopige ondersoek het bevestig die verdagte het vuurwapens in sy besit gehad nadat misdade gepleeg is.
Die man het Donderdag vir die besit van ‘n ongelisensieerde vuurwapen en ammunisie in die Tsolo-landdroshof verskyn. Die saak is vir borgaansoek tot Maandag uitgestel.
