NOORD-KAAP. – ‘n Bakkie is Sondagmiddag omstreeks 15:00 naby Groenwater deur ‘n trein op ‘n spooroorgang getref. ‘n Sesjarige seun, twee vroue en ‘n man het gesterf.
Kol. Cherelle Ehlers sê die bakkie met 12 insittendes het op die treinspoor gestol toe hulle dit wou kruis en is deur ‘n aankomende trein getref.
Na bewering het die bakkie gestol en van die volwassenes het afgespring om die bakkie oor die treinspoor te probeer stoot. Vier persone is op die toneel dood verklaar. Die manlike oorledene was die bestuurder van die bakkie.
Ehlers sê nog drie persone is beseer en word in ‘n hospitaal behandel.
Volgens Kalahari Memorandum Digital is dit verbode gedeelte van die treinspoor waar die bakkie gestol het.
