KWAZULU-NATAL. – ‘n Bakkie het vanoggend ‘n kind (9) op die N2-hoofweg in Bhobhoyi getref, waarna die kind oorlede is.
Chantell Botha van KwaZulu Private Ambulance Service sê dié diens is na ‘n ongelukstoneel ontbied.
“Met die nooddienste se aankoms op die toneel het hulle gevind ‘n bakkie het ‘n voetganger omgestamp.”
Tydens assessering van die toneel is bevind ‘n kind het noodlottige beserings opgedoen.
“Ten spyte van paramedici se pogings om die kind by te bring, is die kind op die toneel dood verklaar.”
Die polisie was op die toneel teenwoordig en ondersoek die omstandighede van die insident.
