LEES OOK: Transnet Freight Rail se uitvoerende hoof bedank
Die Regspraktykraad sê die bedrogbeskuldigde, prokureur Zuko Nonxuba, het ‘n verbysterende R348 845 000 van sy ernstig gestremde kinderkliënte se trustrekeninge na sy firma se besigheidsrekening oorgeplaas en het homself “gehelp” aan die geld wat bedoel was vir die versorging van daardie kinders.
Nonxuba het as ‘n direkteur van die regsfirma Nonxuba Incorporated in Gauteng, die Oos-Kaap en in die Wes-Kaap gepraktiseer. Hy het namens gestremde kinders eise vir mediese nalatigheid teen verskeie provinsiale gesondheidsdepartemente gebring.
In baie van hierdie aangeleenthede is mnr Nonxuba deur die hof beveel om trusts te stig waarin die skadevergoedingstoekennings vir mediese nalatigheid ten gunste van die kinders betaal moes word. Die trusts moes die skadevergoedingstoekenning tot voordeel van die kinders administreer. Nonxuba het glo versuim om die hofbevele na te kom en daar word beweer hy het hierdie fondse behou en op persoonlike uitgawes wanbestee.
Nonxuba is tans geskors en word nie toegelaat om as ’n prokureur op te tree nie totdat die ondersoeke en regsake voltooi is.
#Bedrog #Gereg #Regspraktykraad #Nuus
Bronne gebruik: News24; The South African.
