Lees ook: Gold One-mynwerkers weer bogronds
SPRINGS. – Die Gold One-myn het 400 werkers afgedank na ’n onwettige staking wat verlede jaar plaasgevind het.
Die myn het die afgedankte werkers se name die week vrygestel. ’n Arbeidsdispuut het daartoe gelei dat meer as 500 werkers vir dae in ’n ondergrondse mynskag gebly het.
Die staking is gesien as ’n gyselaarsituasie met verskeie bestuurders en kontrakteurs wat glo teen hulle wil ondergrond gehou is.
’n Ondersoekbeampte wat ’n vorige gyselaarsituasie ondersoek het, is naby sy woning doodgeskiet en nog ’n mynbeampte is beseer tydens die tweede gyselaarsituasie.
Van die werkers het gesê hulle het nie geweet van die afdankings nie.
Bronne: Cape Talk, eNCA, SABC
Lees ook: Gold One-mynwerkers weer bogronds
