Lees ook: Alec Baldwin weer aangekla van manslag na skietdood op filmstel
VSA. – Die wapenhanteerder op die filmstel van Rust se verhoor begin die week in die VSA.
Hannah Gutierrez word aangekla van onwillekeurige manslag na die kinematograaf op die filmstel oorlede is. Gutierrez word aangekla van peuter met bewyse nadat sy glo ontslae geraak het van dwelms ná sy aanvanklik ondervra is.
Halyna Hutchins is in 2021 oorlede na sy deur ‘n “lewendige koeël” getref is wat deur Alec Baldwin afgevuur is. Gutierrez was verantwoordelik vir die wapens en moes verseker dit is veilig om te gebruik.
Sy het onskuldig gepleit op die aanklagtes teen haar. Aanklaers sal na verwagting vir die jurie vertel Gutierrez het kokaïen en dagga gebruik en was dronk die dag voor Hutchins noodlottig getref is.
Die verhoor behoort twee weke te duur.
Alec Baldwin, wat ook aangekla is van onwillekeurige manslag, se verhoor sal later die jaar plaasvind.
Bronne: The Independent, Algoa FM, IOL
Lees ook: Alec Baldwin weer aangekla van manslag na skietdood op filmstel
