NASIONAAL. – Die SAPD het maatreëls in plek gesit sodat diens moet voortgaan, nadat na ‘n kennisgewing Dinsdag vir die administratiewe gebou Telkom Towers in die Pretoria-middestad uitgereik is oor die veiligheid en welstand van die lede.
Brig. Athlenda Mathe sê genl. Fannie Masemola het alle personeel wat in die 24 vloer gebou geakkommodeer word opdrag gegee om dit te ontruim.
Die kennisgewing is Dinsdag deur ‘n gebou-inspekteur van die departement van indiensneming en arbeid weens geïdentifiseerde tekortkominge uitgereik.
Mathe sê die gebou huisves personeel van ondersteuningsafdelings en komponente wat ‘n mandaat het om administratiewe ondersteuning aan operasionele afdelings te voorsien. Hierdie dienste sal nou vanaf alternatiewe persele funksioneer. Die polisie is besig met die departement van openbare werke en infrastruktuur wat na die herstel en instandhouding van staatsfasiliteite moet omsien.
“Kernpolisiëring is nie deur die tydelike sluiting van die kantore geaffekteer nie,” sê Mathe.
