KRUGER NASIONALE PARK, SUID-AFRIKA. – Meer as 80 aasvoëls is in die noordelike area van die KNP dood nadat hulle glo aan die vergiftigde karkas van ’n buffel gevreet het. Die buffel is in ’n strik aangetref wat na bewering deur stropers gestel is.
Op 7 Maart 2024 het die Endangered Wildlife Trust en Moholoholo-wildrehabilitasiesentrum die park in kennis gestel van ’n kraai waarvan die opsporingstelsel gewys het hy beweeg nie.
Volgens Joe Nkuna, veldwagter, het hulle toe die vonds gemaak. ’n Hiëna het ook gesterf. Nkuna sê daar kon nie gesien word of die stropers die organe van die diere geoes het nie, aangesien die karkasse in ’n gevorderde stadium van ontbinding was.
Altesaam 86 aasvoëls se karkasse is verbrand nadat die ondersoek afgehandel is.
Twee witrugkraaie kon gered word. Daar sal binnekort met hulle rehabilitasie begin word.
Die KNP is ’n gereelde teiken vir stropers wat strikke vir wild stel of hulle vergiftig. Van die diere word vir hulle kommersiële waarde gestroop terwyl ander vir tradisionele medisyne gebruik word.
Bron: Sowetan Live, African Conservation Experience
