Steve Hofmeyr se vrou, Janine, is Maandag vir waarneming in ‘n hospitaal opgeneem.
“My vrou is Maandag opgeneem vir waarneming. Dankie vir SOVEEL goeie wense en ondersteuning. Ons lewe sonder haar is maar saai.”
In kommentaar het hy gesê hule is by sy vrou en sy lees die beterskapwense wat op sosiale media vir haar gestuur is.
“Sy lyk goed en reageer goed op die toetse. Romy-lee speel met die outomatiese beddens!”
In sy video-opname sê Steve Romy-lee sorg dat hulle betyds vir besoeke by Janine uitkom.
Steve Hofmeyr het op 3 April gesê hy is siek. Op 4 April het hy gesê hy en Janine is siek en hoop dit is iets wat binne 24 uur sal opklaar.
Hy het hulle simptome as swakheid, naarheid en duiseligheid beskryf.
Hofmeyr het wel sy optredeverpligtinge ondanks sy simptome nagekom.
