JAPAN. – ’n 12-jarige Seekoei, Gen-chan, is aanvanklik as ’n seekoeibul geïdentifiseer met haar aankoms by Osaka Tennoji-dieretuin in Japan. DNS-toetse het onlangs onthul dat sy egter ’n seekoeikoei is.
Sy het in 2017 in Japan aangekom vanaf die Africam Safari dierepark in Meksiko. Haar dokumentasie het haar as ‘n bul geklassifiseer.
Werkers by die dieretuin het onraad vermoed toe sy nie die tipiese gedrag van seekoeibulle getoon het nie. Sy het haar ook nie aan seekoeikoeie gesteur soos wat gewoonlik die geval met seekoeibulle is nie.
’n Eksterne laboratorium is genader om DNS-toetse op haar te doen. Almal se vermoedens is bevestig toe dit uitkom dat sy wel vroulik is.
Bronne: BBC, Mainichi, France 24
