GAUTENG. – Vermeende rowers wat glo Woensdasgmiddag vir wetstoepassers gevlug en in ‘n oor-en-weer-skietery betrokke was, het hulle voertuig gerol en twee omstanders se voertuie gestamp.
Community Emergency Response Team (CERT) sê Centurion-bemanning is omstreeks 13:15 na ‘n motorvoertuigongeluk op Ruimtepad, naby Heuweldoord.
Tydens die skietery het die verdagtes glo hulle voertuig gerol en met twee voertuie van omstanders gebots. Drie verdagtes met geringe tot matige beserings is in hegtenis geneem.
‘n Vrou het ernstige beserings opgedoen en is met ‘n helikopter na ‘n vlak 1-traumafasiliteit vervoer. Nog twee persone het geringe beserings opgedoen.
Al die beseerdes is gestabiliseer en na hospitale vervoer.
Die polisie het die toneel ondersoek en vir bewyse gefynkam.
Nuusflits het polisiekommentaar gevra.
CERT bedank Netcare911 , Emer-G-Med (Pty) Ltd , life star 911, Vision Tactical , Monitor Net , Fidelity ADT , Scorpion Risk Services , Safe City Projects , Copwatch , ProShield , Axon Security Group , Tracker South Africa , SAPS, Tshwane Metro Police Department , Tshwane Emergency Services Department , Wierdabrug Sektor 1, 2 en 3 GPF-patrolleerders, First Help Towing, Presission Towing, en alle ander dienste wat ondersteuning op die toneel gebied het.
