GAUTENG – Risclif Tadue Ramos (36) is Vrydag op OR Tambo Internasionale Lughawe met ‘n besending kokaïen om sy lyf gedraai, vasgetrek.
Kapt. Lloyd Ramovha sê inligting van ‘n dwelmmuil wat Vrydagmiddag van Brasilië op Ortia gaan land, is ontvang. Die vlug is geïdentifiseer en die verdagte, wat slegs handbagasie gehad het, is genader. Hy is na die Ortia-polisiestasie geneem, waar ‘n tolk vir kommunikasie bekom is. Ramos het erken hy het dwelms in sy besit en het tot deursoeking van sy liggaam ingestem. Ongeveer 4 kg kokaïen wat om sy lyf gedraai was, is gevind. Ramos is dadelik vir oortreding van die dwelmwet gearresteer.
Die beskulidgde het Maandag in die Kempton Park-landdroshof verskyn, waarna die saak vir borgaansoek tot 30 Julie uitgestel is.
