Lees ook: Betogings in Indië na vroulike dokter in hospitaal verkrag en vermoor is
INDIЁ. – Betogings in Indië het uitgebrei ná ‘n vroulike dokter (31) in ‘n hospitaal verkrag en vermoor is.
Die hospitaal waar sy vermoor is, is deur ‘n groot groep betogers gevandaliseer. Verskeie dokters en doktersunies is ook van plan om uit protes teen die moord te betoog, terwyl kleiner betogings reeds dwarsoor die land uitgebreek het.
Die dokter se halfnaakte liggaam is verlede week in die hospitaal ontdek na ‘n vrywilliger by die hospitaal haar verkrag en vermoor het. Hy het ‘n bekentenis gemaak toe hy in hegtenis geneem is.
Sedert die dokter se liggaam ontdek is, het nog twee gevalle van verkragting en moord die gemoedere in Indië laat opvlam. ‘n Verpleegster is verkrag en vermoor op pad na haar huis toe, asook ‘n sesjarige meisie.
Bronne: BBC, India TV, PTC News
Lees ook: Betogings in Indië na vroulike dokter in hospitaal verkrag en vermoor is
