Lees ook: Drie verdagtes in hegtenis vir skietery in Kaap
’n Roofverdagte het glo ’n kind (5) gebruik om ’n vrou (78) te beroof.
Die reaksie-eenheid SA (Rusa) het ’n oproep ontvang oor ’n roof in Trenance Park, KZN. Die vrou het verduidelik sy was besig om huis skoon te maak toe ’n man, bekend as ’n plaaslike dwelmgebruiker, haar uit die bure se erf geroep het.
Hy het na ’n meisie op haar eiendom beduie en gevra sy moet haar oor die hek vir hom aangee. Die slagoffer het gesê sy weet nie hoe die meisie in haar erf gekom het nie, maar het haar gaan optel en vir die verdagte aangegee. Die verdagte het toe glo haar hand gegryp en haar goue armbande van haar arm afgegryp en gevlug. Sy het beserings aan haar hand en arm opgedoen.
Volgens die reaksie-eenheid is die verdagte bekend en het gereeld by die slagoffer se bure gekuier. Hy word nog gesoek.
Bronne: Facebook
