Lees ook: Vlugopnemer gevind na American Airlines-vliegtuig en Black Hawk-helikopter bots
WASHINGTON, VSA. – Voorlopige data van die American Airlines-vliegtuig en Black Hawk-helikopter wys teenstrydige hoogtelesings wat tot die botsing kon aanleiding gee.
Data van die American Airlines-vlugopnemer het ‘n hoogte van ongeveer 325 voet aangedui, terwyl data van die beheertoring wys dat die Black Hawk-helikopter op ‘n hoogte van 200 voet was, wat die toelaatbare hoogte vir helikopters is. Dit is onbekend waarom daar ‘n teenstrydigheid in die hoogtelesings is. Ondersoekers probeer tans data van die helikopter se vlugopnemer kry.
Die NTSB-ondersoeker, Brice Banning, het gesê die ondersoek is kompleks. Hy het gesê die American Airlines-vlugopnemer het gewys die vlieëniers het hoër probeer vlieg om die botsing te vermy, maar dit was te laat.
Altesaam 64 persone was op die American Airlines-vlug en drie soldate in die helikopter. Niemand het die ongeluk oorleef nie.
Bronne: Fox News, The Independent, ABC News
Lees ook: Vlugopnemer gevind na American Airlines-vliegtuig en Black Hawk-helikopter bots
