VSA. – R Kelly gaan in die tronk bly ná ’n federale regter sy noodaansoek om onder huisarres geplaas te word, verwerp het.
Lees ook: R Kelly se prokureur beweer daar is ‘n komplot om hom dood te maak
Kelly, wat tot 30 jaar tronkstraf gevonnis is vir rampokkery en seksuele misdrywe, se prokureur het die aansoek ingedien met die bewering dat Kelly in die tronk in gevaar is. Sy prokureur, Beau Brindley, het vroeër die maand beweer Kelly word deur tronkpersoneel en ’n “wit oppermaggroep” in ’n moordkomplot geteiken nadat Kelly ’n oordosis medikasie ontvang het.
Regter Martha Pacold het beslis dat sy nie die jurisdiksie het om te beslis oor Kelly se bewerings nie, net oor sy vonnis en dat hy geen bewyse het van ’n komplot teen hom nie. Sy het beslis dat Kelly nie ’n regsbasis vir die hof se jurisdiksie gegee het nie en daarom in die tronk sal bly.
Bronne: The Independent, CBS News, The Wrap
Lees ook: R Kelly se prokureur beweer daar is ‘n komplot om hom dood te maak
