WASHINGTON, VSA. – Die nasionale vervoerveiligheidsraad (NTSB) het tydens ’n verhoor bevind die Black Hawk-helikopter wat met ’n American Airlines-vliegtuig gebots het, het foutiewe hoogtemeters gehad.
Lees ook: Voorlopige data van AA- en Black Hawk-vlugte wys teenstrydige hoogtelesings
Die nasionale vervoerveiligheidsraad het gesê die foutiewe meters het die verkeerde hoogte gewys, wat veroorsaak het dat die helikopter te hoog gevlieg het.
Al 64 passasiers en bemanning op die American Airlines-vliegtuig en die drie bemanningslede op die Black Hawk-helikopter is op 29 Januarie in die botsing oorlede.
Die nasionale vervoerveiligheidsraad het gesê dit is nog besig met die ondersoek oor die oorsaak van die ongeluk. Die finale ondersoekverslag sal waarskynlik teen Januarie 2026 vrygestel word met moontlike beleidsvoorstelle.
Bronne: BBC, ABC News, Fox News
Lees ook: Voorlopige data van AA- en Black Hawk-vlugte wys teenstrydige hoogtelesings
