GAUTENG. – Altesaam 10 verdagtes, insluitend vier van die SAPD en ses van die Ekurhuleni-metropolisie (EMPD), het Woensdag op aanklagte van diefstal in die Germiston-landdroshof verskyn. Hulle is elk op borgtog van R1 500 vrygelaat.
Phindi Mjonondwane, NVG-woordvoerder, sê in ‘n verklaring die saak hou verband met ’n klopjag op ‘n winkel in Edenvale wat op 4 Junie uitgevoer is. Die winkelier beweer dat die lede op kontant van R35 000, sigarette ter waarde van R150 000 en bokse Panado-tablette beslag gelê het. Hy beweer voorts slegs een sak is as bewysstuk by die polisiestasie geregistreer en die kontant is glo nie in die SAP13-register aangeteken nie.
Die saak is vir verdere ondersoek tot 8 September uitgestel.
Lees meer hier onder:
