GAUTENG. – Drie verdagtes is Dinsdag in Uitbreiding 15, Mamelodi-Oos, tydens ‘n skietgeveg met lede van die Valke dood. Die Valke het inligting gekry oor ’n groep verdagtes wat glo in besit van onwettige vuurwapens is, waarna ‘n intelligensie-gedrewe operasie uitgevoer en die skietery ontstaan het.
Lt.kol. Christopher Singo, Valke-woordvoerder, sê ‘n skietgeveg het uitgebreek met die Valke, hoofwegpatrollie, lugvleuel en plaaslike polisie se aankoms by die perseel. Drie verdagtes is noodlottig gewond en een het van die toneel weggehardloop. Die polisie het ‘n AR-geweer en twee pistole op die toneel gekry.
