WES-KAAP. – Die Speed Classic Kaapstad vind hierdie naweek langs Philip Kgosana-rylaan plaas, waar klassieke motors en moderne renvoertuie die kollig deel in ’n tweedaagse motorgeleentheid wat spoed, styl en gemeensaamheid vier.
Die organiseerders beskryf die geleentheid as meer as net ’n resies – dit is ’n leefstyl-ervaring wat die wêreld van motorkultuur en vermaak teen die agtergrond van Tafelberg kombineer. Saterdag 25 Oktober is toegewy aan Classic Car Saturday, waar ikoniese motors uit verskeie eras vertoon gaan word. Sondag 26 Oktober vlg King of the Mountain Sunday, met hoëspoed-uitdagings vir moderne voertuie.
Volgens die organiseerders beloof die Speed Classic Kaapstad om ’n “ongeëwenaarde samesmelting van spoed, vaardigheid en skouspel” te wees wat motorliefhebbers van regoor die land sal lok.
Hier is ‘n paar praktiese wenke van die organiseerders:
- alle kroeë is kontantloos en besoekers word aangeraai om bankkaarte saam te bring
- sonskerm en sonhoede is noodsaklik, al is dit bewolk
- ouers wat hul kinders saambring, word aangemoedig om oorbeskermers vir die kleingoed en hulleself te bring, aangesien die geraasvlakke hoog kan wees
- daar is geen parkering by die lokaal nie – besoekers moet van buiteparkering of e-hailing-dienste gebruik maak
- ’n lys van verbode items is hier onder beskikbaar
- kaartjies moet vooraf afgelaai word vir maklike toegang by die ingang
- grandstand-kaarthouers kan hul SD-kaarte bring om professionele foto’s van hul ervaring te ontvang
- die publiek word aangeraai om hul kaartjies betyds te koop via Webtickets om teleurstelling te voorkom.
