WES-KAAP. Die Stad Kaapstad het bevestig dat die indringende boorkewer polyphagous shot hole borer (PSHB) nou ook in dele van die Kaapstadse middestad en Houtbaai voorkom. Dit is die eerste keer dat besmettings in hierdie gebiede bevestig word – dit hou ’n ernstige bedreiging vir stedelike bome in.
Munisipale spanne is besig met uitgebreide ondersoeke om die omvang van die verspreiding te bepaal. Inwoners, besighede en eiendomseienaars word versoek om bome op hul persele dop te hou en saam te werk deur stadsamptenare toegang te gee vir inspeksies waar nodig.
Die Stad doen ’n spesiale beroep op eienaars van Boxelder-bome, wat besonder kwesbaar is vir die kewer, om hierdie bome op die stad se aanlyn platform aan te meld. Dit sal help om moontlike besmettings vinniger te identifiseer en betyds beheermaatreëls toe te pas.
Druk hier om meer te lees.
