GAUTENG. – ‘n Verdagte wat glo saam met twee ander verdagtes mense van die OR Tambo-lughawe af gevolg en beroof het, is tydens ‘n skietery met die polisie noodlottig gewond.
Lees ook: Man en nog 5 verdagtes aangekla van 56 seksuele misdrywe teen eks-vrou
‘n Multidissiplinêre taakspan het inligting ontvang oor verdagtes wat verbind is aan gewapende rooftogte van die lughawe af. Die span het die verdagtes in Midrand gesien en het hulle probeer voorkeer, maar kon nie daarin slaag nie. ‘n Hoëspoedjaagtog het gevolg, waartydens die verdagtes en polisie op mekaar geskiet het.
Die verdagtes het in Rabie Ridge stilgehou, uit die voertuig geklim en steeds op die polisie geskiet. Een verdagte is noodlottig gewond. Ongelisensieerde vuurwapens is op die toneel gevind.
Die ander twee verdagtes word nog gesoek.
Bron: Gauteng Department of Community Safety
Lees ook: Man en nog 5 verdagtes aangekla van 56 seksuele misdrywe teen eks-vrou
