VSA. – Briella (3) van Florida is dood nadat haar kop in ‘n speelgoedkombuis vasgesit het terwyl sy glo speelgoed probeer uithaal het wat binne-in die speelgoedstel geval het.
Die voorval het op 23 Julie by haar oppasser se huis in Meadows, Boynton Beach, gebeur. Luidens ‘n verslag van ondersoekers het die kind en haar broer of suster daar ten tyde van die ongeluk gebly. Die oppasser was uit en haar eggenoot, wat die kinders versorg het, het die kleuter aangetref met haar kop wat in die speelgoedkombuis vasgesit het. Hy het haar daar uitgekry en noodhulp toegepas voordat nooddienste opgedaag het. Sy is in ‘n kritieke toestand na ‘n hospitaal geneem waar sy op 27 Julie dood is.
Volgens ondersoekers het die meisie se sibbe gesê sy het vasgesit toe sy speelgoed probeer uithaal het wat binne-in die speelgoedkombuis geval het. Die Boynton Beach-polisie ondersoek steeds die omstandighede van die voorval.
Bronne: GoFundMe, Boynton Beach Police Department
