Die adjunkpresident van die ANC-vroueliga, Lungi Mnganga-Gcabashe (64), is Saterdag by haar huis in Westville, KZN, oorlede.
Lees ook: Israel sê dit sal ‘basiese hoeveelheid’ kos in Gaza toelaat
Mnganga-Gcabashe was ten tyde van haar dood ’n lid van die parlement en die voorsitter van die portefeuljekomitee oor toerisme.
Die oorsaak van haar dood is nog onbekend.
Die ANC-party het medelye teenoor haar familie uitgespreek en het Mnganga-Gcabashe beskryf as ’n “lewenslange aktivis en dienaar van die mense”. Die minister van toerisme, Patricia de Lille, het ook hartseer oor Mnganga-Gcabashe se dood uitgespreek en het gesê sy was iemand wat geweet het hoe oorsig werk en het “altyd oplossings gehad oor hoe om toerisme te laat groei”.
Bronne: eNCA, The Citizen, IOL
Lees ook: Israel sê dit sal ‘basiese hoeveelheid’ kos in Gaza toelaat
