GAUTENG. – Twee persone is Saterdagoggend omstreeks 06:24 oorlede toe ‘n minibustaxi waarin hulle gery het op die Brakfontein-pad naby Thatchfield in Centurion teen ‘n muur gebots het.
CERT (Community Emergence Response Team) sê daar is na die toneel gehaas waar persone nie net oorlede is nie, maar nog 14 persone matig tot ernstig beseer is. Die twee noodlottig beseerde persone is op die toneel dood verklaar.
CERT sê na bewering het die minibustaxi onverklaarbaar die pad byster geraak en teen die muur van ‘n sekuriteitskompleks gebots.
Gauteng Emergency Medical Services , Emer-G-Med (Pty) Ltd , Netcare911 , Tshwane Emergency Services Department , WierdaBurg Sektor 2, LenMed. Tshwane Metropolisie, SAPD, Precision Towing, First Help Towing, HALO Aviation en ander dienste wat betrokke was, is deur CERT vir ondersteuning op die toneel bedank.
