NASIONAAL.- Coleske Artists Management het gisteraand liedjies wat ‘n sekere aantal keer digitaal gestroom is met goue-, platinum-, dubbelplatinum- en diamanttoekennings vereer.
Om vir ‘n toekenning in aanmerking te kom, moes die liedjie vanaf 1 Januarie 2019 tot op hede deur die Coleske Groep versprei wees.
In die sosialemediaplasing sê die Coleske Groep gunstelinge onder kunstenaars, liedieskrywers, vervaardigers, musiekvideo-regisseurs en kreatiewe denkers van Afrikaanse musiek is vereer.
Om ‘n sekere toekenning te ontvang, moet ‘n liedie vir goud meer as 1.2 miljoen keer, vir platinum meer as 2,4 miljoen keer, vir dubbelplatinum meer as 4.8 miljoen en vir diamant meer as 10 miljoen keer op alle digitale stromingsdienste gesamentlik gestroom wees.
Die wenners van die toekennings is: Samantha Leonard met goud, Liezel Pieters met goud, Charlize Berg met goud, Chris Steyn met goud en platinum, Ivan Roux met goud en platinum, Arno Jordaan met goud en platinum, Anlia Etzebeth met platinum, Leon Schuster met goud en platinum, Droomsindroom met goud en platinum, Dodo met goud, platinum en dubbelplatinum, Ruhan du Toit met goud, Bobby van Jaarsveld met goud, Riana Nel met goud en platinum, Gerhard Steyn met goud, platinum en dubbelplatinum, Karlien van Jaarsveld met goud en platinum, Jo Black met platinum en dubbelplatinum, Lianie May met goud en dubbelplatinum, Chris Else met platinum, dubbelplatinum en diamant, Irene Louise met goud, dubbelplatinum en diamant, Bok van Blerk met goud en dubbelplatinum, Appel met goud, platinum, dubbelplatinum en diamant, Ricus Nel met goud, platinum en dubbelplatinum, Demi Lee Moore met goud, platinum, dubbelplatinum en diamant, Riaan Benadé met goud, platinum, dubbelplatinum en diamant en Jay met goud, platinum, dubbelplatinum en diamant.
