KWAZULU-NATAL. – ‘n Weldoener wat Vrydagmiddag ‘n motoris in Hillheadrylaan in Mount Edgecombe gehelp het om ‘n band te ruil, is kritiek beseer toe ‘n voertuig in hom vasgery het.
Reaction Unit South Africa sê met aankoms op die toneel is die beseerde weldoener deur ‘n privaat ambulanspersoneel op die toneel behandel.
“Daar is vasgestel die manlike weldoener het die bestuurder van ‘n wit VW Golf 7 bygestaan om sy voertuig se band te ruil, toe ‘n wit Toyota Corolla in hom vasgery het. Die weldoener is teen die VW Golf vasgepen. Die bestuurder van die Toyota Corolla het te voet van die toneel gevlug. Die beseerde man is per ambulans na die hospitaal geneem.”
Drie ander persone wat ook gehelp het met die ruil van die band, het geringe beserings opgedoen.
