Lees ook: Saak teen Stéhan Grobler tot volgende jaar uitgestel
Die Suid-Afrikaanse Reserwebank (SARB) het R67 miljoen van Stéhan Grobler, gewese maatskappysekretaris en hoof van regsake by Steinhoff, ingevolge ‘n bevel van die valutabeheerregulasies, aan die staat verbeurd verklaar.
Die geld sal na die Nasionale Inkomstefonds oorgedra word. Grobler se bates sluit in aandele in Suez Beleggings, Steff Grobler Beherende (Edms.) Bpk. en Keurview Aandeleblok Bpk. Steinhoff dagvaar Grobler vir byna R300 miljoen wat hy as salarisse, bonusse en ander vergoeding glo onregmatig ontvang het.
Hy word onder andere aangekla van die oortreding van die Wet op die Beheer van Finansiële Markte, Voorkoming van Georganiseerde Misdaad, Voorkoming en Bestryding van Korrupte Bedrywighede en die Maatskappywet.
Grobler is tans uit op borg en sal volgende jaar weer in die hof verskyn.
Bronne: Jacaranda FM, The Citizen, IOL
Lees ook: Saak teen Stéhan Grobler tot volgende jaar uitgestel
