VRYSTAAT. – Ntlantla Jozi is vry nadat aanklagte van die ontvoering en moord op Machaka Radebe (16) in die Bloemfontein-distrikshof teen hom teruggetrek is.
Mojalefa Senokoatsane, woordvoerder vir die NVG, sê die senior staatsaanklaer het Radebe se familie van die besluit ingelig. Radebe is op 2 Desember 2023 as vermis aangemeld. Haar liggaam is twee dae later in ‘n veld naby haar ouerhuis gevind. Sy is vermoor.
Lehlohonolo Thomas Rankuotsana en Ntlantla Jozi is in hegtenis geneem. Klagtes teen Rankuotsana is in Januarie deur die hof teruggetrek.
Senokoatsane sê die Mangaung-gemeenskap moet besef die terugtrek van klagtes teen verdagtes beteken nie die saak is teruggetrek nie.
Die ondersoek duur voort.
