Die aanvalle tussen Pakistan en Indië duur voort met sowat 38 Pakistani’s en 13 Indiërs wat tot dusver in vyandelikhede tussen die twee lande omgekom het.
Lees ook: Dodetal styg in wraakaanvalle van Indië op Pakistan
Dit volg na Indië gister (Woensdag) “terreurteikens” in Pakistan aangeval het uit wraak vir ’n terreuraanval op Kasjmir waarvoor Pakistan blameer is. Die kantoor van die eerste minister, Sjehbaz Sjarif, het ontken dat hulle vir die terreuraanval betrokke was, maar het gesê hulle gaan reageer op wat hulle ’n “act of war” genoem het.
Die Indiese weermag het gesê geregtigheid is gedien na nege “terreurkampe” vernietig is. Volgens Pakistan se weermag het Indië burgerlike teikens, insluitend moskees, aangeval. Vier kinders is glo ook doodgeskiet.
Pakistan het gesê dit het oornag vyf Indiese vegvliegtuie en ‘n hommeltuig afgeskiet in ‘n hewige oor-en-weer-skietery tussen vegvliegtuie op die grens van die twee lande.
Bronne: The Telegraph, IOL, Daily Post Nigeria
Lees ook: Dodetal styg in wraakaanvalle van Indië op Pakistan
